كلمات أغنية إعلان we لبطلته دنيا سمير غانم والذي طرحته شركة الاتصالات المصرية we، ضمن حملتها الإعلانية الجديدة لشهر رمضان الكريم.
كلمات أغنية إعلان we رمضان 2023
تصدّرت الفنانة دنيا سمير غانم أغنية بعنوان “هنرمضن رمضان” ضمن الحملة الإعلانية الخاصة بشركة وي لرمضان 2023، تتحدث خلالها عن الأجواء الرمضانية ولمة العائلة حيث ضمت مشاهد رمضانية مبهجة عن مظاهر الخير خلال الشهر الكريم.
التفاصيل الكاملة لحملة رمضان من “وي” غير أي حد هنا
وجاءت كلمات أغنية اعلان دنيا سمير غانم كالتالي:
واهو من تاني رمضان جانا
بيرمضن كل اللي معاه
لو مش فاهم بص معانا
وأنت هتترمضن وياه
من أول ضربة مدفع
الدنيا بتترمضن فيه
كان غدا بس أما ابتداى
بقى اسمه فطار نتلم عليه
وسحوره كأنه فطار
بيلم لسابع جار
نسهر لطلوع النور
والنايم بنصحيه
هترمضن رمضان ده.. رمضان
هترمضن رمضان ده
هترمضن رمضان ده.. رمضان
هترمضن رمضان ده
ده ريموت إترمضن
بقى بيلف يدور زي المجنون
دايخ بين ألف مسلسل
مستنينا في التلفيزيون
وده حتى السفرة بتظهر فيه
والنيش مش بنخبيه
تقسيمته بطولة عالم
والجون فيه بجولدن جول
هترمضن رمضان ده.. رمضان
هترمضن رمضان ده
هترمضن رمضان ده.. رمضان
هترمضن رمضان ده
و ياميشه ده كان نقنقة
واترقى خلاص بقى طبق اليوم
بيروح من شقة لشقة
ومافيهوش لأ الحلو يدوم
والعزومات فيها كميات
كاتلوج للحلويات
حتى الإشارات بتزيد
في إشارة لكسر الصوم
هترمضن رمضان ده.. رمضان
هترمضن رمضان ده
هترمضن رمضان ده.. رمضان
هترمضن رمضان ده
طوابير السنة غير طوابيره
تطلع منها بصاحبين
وكافيهك يقلب خيمة
وجلاليبك تقلب فساتين
والساقع بقى يتجاب
تمر وسوبيا وعناب
وبعودة يعودها علينا
ويرمضنا سنين وسنين
هترمضن رمضان ده.. رمضان
هترمضن رمضان ده
هترمضن رمضان ده.. رمضان
هترمضن رمضان ده
30 مليون وجبة إفطار خلال الشهر الكريم
وقالت الشركة المصرية للاتصالات أنها تستهدف توزيع نحو 30 مليون وجبة إفطار خلال شهر رمضان من أجل دعم الفئات الأكثر احتياجًا وتخفيف الأعباء الاقتصادية عن الأسر المصرية في ظل الظروف الاقتصادية الصعبة التي يمر بها العالم.
من خلال الوصول للقرى والنجوع والأحياء التي يصعب الوصول إليها على مستوى الجمهورية والقرى التي تشملها مبادرة حياة كريمة، وكذلك المناطق الحدودية كحلايب وشلاتين، وشمال سيناء، وجنوب سيناء، ومرسى مطروح، والواحات، والبحر الأحمر والوادي الجديد وغيرها، تأتي هذه الحملة بالتعاون مع بنك الطعام المصري و مؤسسة مصر الخير و مؤسسة صناع الخير.