Crypto Currency أو العملات الرقمية المشفرة سيطرت على اهتمام قاعدة عريضة من مستخدمي الإنترنت والباحثين عن تحقيق الأرباح السريعة.
ذاع صيت العملات الرقمية المشفرة أو Crypto Currency مع النمو القوي لعملة البيتكوين خلال العامين الأخيرين.
ولكن الكثير ما زال لا يعي ما تعنية الـ Crypto Currency وطريقة عملها، وهذا ما يوضحه التحليل التالي:
ملحوظة “راعي محللنا كتابة التقرير باللهجة العامية وبطريقة بسيطة في محاولة لاستفادة أكبر قدر ممكن من القراء”.
تحليل يكتبه – عمر المنير – الرئيس التنفيذي لشركة سيجما فيت
مقال سريع كده عن كل الأسئلة والترند الفتره الي فاتت عن الحاجات ديه:
Crypto Currency:
الـ Crypto Currency هي عمله مشفرة و في عملات ليها عدد معين في العالم وفيه عملات منها يمكن زيادتها، إيه ده طب يعني إيه برضه؟
“بص يا سيدي تخيل أي حاجة بتعوزها وتدفع مقابلها فلوس هي جهاز فيديو جيم فأنت بتروح للراجل تديله فلوس يديك Coins بتستخدمها عشان تحطها فى Video game machine عشان تشتغل أهو الكوينز ديه هي العملات الرقمية ده طبعا لغرض الشرح بس.
طيب تخيل ال Coin إلي بتاخده من الراجل ده بيكتب عليه إسمك ؟ زي كوباية Starbucks كده ؟ ده معناه إنه مؤمن جدا.
طيب تخيل إن في انبوبه كبيره متوصله بكل اللي بيستخدموا ال Coins ديه وإنت لو عايز تدي حد من الكوينز ديه ترميها في الأنبوبة بتاعته توصله علي طول والاسم أتغير لاسمه ؟؟ بدل ما تروح لواحد يوصله الفلوس وياخد نسبه ؟
طب تخيل إن أجهزة الفيديو جيم ديه إلي بتديك أي خدمة عمالة تكتر وتكتر وتقبل Coins باشكال كتير ؟
إلي هيحصل هنا إن الطلب عليها هيزيد كدا صح ؟
طيب أهو أجهزة الفيديو جيم ديه هي معاملتك، و الانبوبة اللي بتوصل الناس ببعض والعمله المكتوب عليها إسمك هم ال Blockchain.
طيب ركز بقى معايا في الجاي ده يا ريت.
طيب الموضوع اتشهر وكله بقي بيجري عليه يحصل إيه بقي ؟ أكيد هتلاقي ناس بتحاول تصنع كوين جديد يدخل في ال Video game machine صح ؟ وهتلاقي ناس تانيه بتسوق للكوين ده وهتلاقي ناس تالتة بتطلع عليه إشاعات وتقول الحق ده وحش أو الحق ده حلو وهتلاقي ناس رابعة قاعده بتتفرج وتجري تشتري أملا منها إنه يغلي فتبيعه وناس خامسه شايفه إنه هينتشر آكتر فتشتريه وتسقعه صح ؟
ده بالظبط حال انواع ال Community بتاعه ال Crypto Currency وكل واحد من دول عنده قرار صح وقرار غلط في إلي اشتري Coin بعد ما شاف إعلان قد إيه هو جميل وخسر وفيه إلي اشتري وحالفه الحظ إن الشله إلي وراه تقيله وناجحة.
موضوعات نرشحها لك:
هذه هي العملات الرقمية الأكثر نموا
تابع اسعار العملات الرقمية لحظيا من هنا
وهنا نروح بقي لاخر نقطه وهي العملة المحظوظه بنت المحظوظه وهي ال Dogecoin.
طيب اللي اخترع العملة ديه واحد إسمه Billy Markus وده Software engineer عادي عمل العمله ديه عشان يسف علي آل Community كله وحط الرمز بتاعها Meme من لعبة أصلا.
وتفضل العملة مغمورة لفتره لدرجه إن صاحبها باع كل ما يمتلك منها من كام سنه وكمل وجاب Honda Civic قديمة و مستعمله لكن يحصل إلي بيحصل كتير في عالم الـ Crypto Currency و العمله تطلع ترند وهوب من يوم وليله تتشهر و Influencers كتير يقفوا وراها بدافع الهزار يعني واشهرهم Elon Musk وهوب العملة تضاعف في 2021 بس 148 مرة! إنت فاهم الرقم ده ؟ البنك بيديك ضعف مره وآحده بس كل ٧ سنين ديه تضاعفت 148 مرة يعني كأنك سبت فلوسك في البنك آكتر من ألف سنة.
طيب المقال ده كله ملخص جدا جدا ولكن الخلاصة في رأيي الشخصي ال Blockchain وال Crypto Currency هي Technologies عظيمة لسه البشريه مش جاهزه ليها زي اختراعات مثلي الاعلي Nikola Tesla فأحنا قاعدين بنخبط فيها.
والاستثمار فيها لعبه حظ وفهم وعايزالها وقت وتبقي فاضي وده زيه زي أي قطاع تآني ممكن لو ضربه حظ معاك و مفهومية وشطاره تعمل فلوس برضه أو تسرع فتنزل سابع ارض.