بعد مرور اسبوعين من شهر رمضان الكريم سنرصد في التقرير التالي ترتيب اعلانات شركات المحمول وفقًا للأعلى مشاهدة على يوتيوب حتى الآن.
شركات المحمول الأعلى مشاهدة على يوتيوب
أطلقت شركات المحمول الأربعة حمللات اعلانية مميزة خلال الشهر الكريم رمضان 2023، مابين توجيه الشكر للمستخدمين و فتح أبواب رزق ، وخلق تحديات مع الذات.
ووفقًا لعدد مشاهدات الحملات الاعلانية على يوتيوب بنهاية الاسبوعين الماضيين، فقد تصدر اعلان فودافون شكراً من هنا لبكرة نسب المشاهدات ضمن الأعلى مشاهدة على يوتيوب بـ 41 مليون مشاهدة في 15 يومًا .
وجاءت كلمات أغنية اعلان فودافون رمضان 2023 شكرا من هنا لبكرة لعمرو دياب كالتالي:
في لحظة عايزة اللي يعدل ميلك ويسند يشيلك
ووسط زحمة حياته يجيلك
يوصل في ثانية يسبق بخطوة يحميك بقوة ملكش الا هو
في حد لما تخبط هيفتح يقابلك ويفرح
من قلبة عايز يشوفك بتنجح
يساعدك بفكرة معاك خطوة خطوة
دا ماسبكش مرة امبارح وبكرة
في حياتنا ناس هما الاساس ثابتين معانا مهما ايه يجري
في حياتنا ناس هما الاساس حقيقي شكرا من هنا لبكرة
دايما في ظهري دا صاحب عمري دة كنز دة رزق دا
طوق نجاة بيرد غيبتي لو جابوا سيرتي ومفيش حد
بيفرق معاة بتجيلي فكرة بنطق فجأة هي المكالمة
فايقولي يلا
في حياتنا ناس هما الاساس ثابتين معانا مهما اي يجري
في حياتنا ناس هما الاساس حقيقي شكرا من هنا لبكرة
انا في الدلع دايما سايقها بقلقها ياما نشفت ريقها
طلعت عينها اللة يعينها دة مفيش كلام يوصف حنانها
واقفة دايما جنب مني شجعتني صدقتني
سندتني موقعتش في يوم دي اللي جنبي
من البداية خطوة خطوة كانت معايا
دي في سمايا ولا النجوم
في حياتنا ناس هما الاساس ثابتين معانا مهما اي يجري
في حياتنا ناس هما الاساس حقيقي شكرا من هنا لبكرة
في سياق آخر قامت شركة فودافون بحذف اعلان عيد الأم 2023 من كل منصاتها بعد تعرضها لهجوم شديد على مواقع التواصل الاجتماعي بسبب فكرة الاعلان.
اعلان اتصالات في المركز الثاني ضمن الأعلى مشاهدة على يوتيوب
في المرتبة الثانية ضمن الأعلى مشاهدة على يوتيوب جاء اعلان شركة اتصالات “سابق بكتير” بـ 24 مليون مشاهدة في 15 يومًا، والذي ضم بعض نجوم النادي الأهلي، عمر خيرت، خالد النبوي، ويجز و نور الطيب.
اورنج ثالثًا
في المركز الثالث ضمن الأعلى مشاهدة على يوتيوب جاء اعلان اورنج “باب رزق” للفنان حسين الجاسمي بـ 20 مليون مشاهدة.
وجاءت كلمات أغنية اعلان حسين الجاسمي كالتالي:
صباح الخير على ناسنا وعالغالين
أهالينا وحبايبنا
عالشارع وبيوتنا والدكاكين
وعالخير اللي في قلوبنا
صباح الفل عاللي بيسعى والشقيان
اخونا وجارنا وصاحبنا
صباح الرزق والتساهيل
ويومنا جميل بلقمة بتحلى بتعبنا
سيبها على الله
ده اللي بيتفائل خير يلقاه
لو يقفل باب
ربك يفتح باب رزق وراه
سيبها على الله
وهتسعى الدنيا هتسعى معاك
ومنين ما تروح
رزقك هيروح وهيمشي وراك
وسيب بكرة بقى لبكرة
ده لو تسعى هتلقى الدنيا جيّالك
قادر ربك يفرجها يعدلها
يريحلك في يوم بالك
ولما في يوم هتاخد ايد حد غريب
ومن قلبه هيدعيلك
هتلقى فيوم مليون حد واقف جنبك
وجوّة عيونه هيشيلك
سيبها على الله
ده اللي بيتفائل خير يلقاه
لو يقفل باب
ربك يفتح باب رزق وراه
سيبها على الله
وهتسعى الدنيا هتسعى معاك
ومنين ما تروح
رزقك هيروح وهيمشي وراك
وي في المرتبة الرابعة
في المركز الرابع ضمن الأعلى مشاهدة على يوتيوبجاءت شركة WE بـ 11 مليون مشاهدة لحملتها الاعلانية بعنوان “هنرمضن رمضان”.
كل ما تريد أن تعرفه عن حملة رمضان من “وي” غير أي حد هنا
وجاءت كلمات أغنية اعلان دنيا سمير غانم كالتالي:
واهو من تاني رمضان جانا
بيرمضن كل اللي معاه
لو مش فاهم بص معانا
وأنت هتترمضن وياه
من أول ضربة مدفع
الدنيا بتترمضن فيه
كان غدا بس أما ابتداى
بقى اسمه فطار نتلم عليه
وسحوره كأنه فطار
بيلم لسابع جار
نسهر لطلوع النور
والنايم بنصحيه
هترمضن رمضان ده.. رمضان
هترمضن رمضان ده
هترمضن رمضان ده.. رمضان
هترمضن رمضان ده
ده ريموت إترمضن
بقى بيلف يدور زي المجنون
دايخ بين ألف مسلسل
مستنينا في التلفيزيون
وده حتى السفرة بتظهر فيه
والنيش مش بنخبيه
تقسيمته بطولة عالم
والجون فيه بجولدن جول
هترمضن رمضان ده.. رمضان
هترمضن رمضان ده
هترمضن رمضان ده.. رمضان
هترمضن رمضان ده
و ياميشه ده كان نقنقة
واترقى خلاص بقى طبق اليوم
بيروح من شقة لشقة
ومافيهوش لأ الحلو يدوم
والعزومات فيها كميات
كاتلوج للحلويات
حتى الإشارات بتزيد
في إشارة لكسر الصوم
هترمضن رمضان ده.. رمضان
هترمضن رمضان ده
هترمضن رمضان ده.. رمضان
هترمضن رمضان ده
طوابير السنة غير طوابيره
تطلع منها بصاحبين
وكافيهك يقلب خيمة
وجلاليبك تقلب فساتين
والساقع بقى يتجاب
تمر وسوبيا وعناب
وبعودة يعودها علينا
ويرمضنا سنين وسنين
هترمضن رمضان ده.. رمضان
هترمضن رمضان ده
هترمضن رمضان ده.. رمضان
هترمضن رمضان ده